Rundesøknad og runderapport

Rundedokument

Ein samarbeidsavtale er delt inn i rundar. Ei rundebeskriving viser mellom anna kva aktivitetar, arbeidsoppgåver og oppdrag deltakarar utfører for nå måla i prosjektet. Partnarskapet sender inn rundebeskriving og budsjett for kvar runde til Norec. Ei runde kan vare mellom 3 og 18 månadar.

Følgjande dokument inngår i søknaden:

Dokument frå alle partnarar i prosjektet:

• nyaste årsrapport
• Årsrekneskap som er maksimalt tre månader gammal (treng ikkje vere revidert)
• nyaste reviderte og konsoliderte årsrekneskap
• gyldig firmadokumentasjon for revisjonsfirmaet som har revidert årsrekneskapen

Vi oppmodar koordinerande partnar om å samle inn alle naudsynte dokument på vegner av partnarskapet, og sende desse samla i ein e-post til programrådgivar.

Rapportering – runde

Partnarskapet er ansvarleg for å rapportere på resultat og økonomi undervegs i prosjektperioden.

Koordinerande partnar må rapportere aktivitetar, kostnader og resultat i prosjektet etter kvar utvekslingsrunde. På vegner av partnarskapet må dei også levere inn ein samla revisjonsrapport av Norec-midlane for kvar runde.

Slik rapporterer du:

Fire månader etter at deltakarane si oppfølgingsperiode er avslutta, må partnarskapet levere den samla rekneskapsrapporten, revisjonsrapporten og resultat-/runde-rapporten.

Skal leggast ved den økonomiske rapporten for runden:

Lenkje til revisor sin statsautorisasjon eller eit gyldig registreringsdokument for revisjonsfirmaet som skal revidere Norec-midlane. Norec krev at revisjonsfirmaet som skal revidere Norec-midlane, har fått løyve til å operere som revisor frå den relevante nasjonale myndigheita.

Rettleiing

Her finn du praktisk rettleiing om planlegging, gjennomføring og rapportering av eit utvekslingsprosjekt.